De Villancicis Baeticis… Iterum.

Natalis Domini appropinquat. Et cum de flamenco in articulo meo proximo mentionem fecerim (https://ephemerisnuntii.eu/chronicattt.php?id=1588 ), ecce nonnulla carmina natalicia Andalusica quae mihi imprimis placent.
In Andalusia, sicut per totam Europam meridionalem, arbor natalicia et nix non sunt traditionales; potius, praesepe est. Ecce unum quod totam Bethlehem (ingenue fictam) repraesentat et ad laetum rhythmum Buleriae visitatur:

Sane, celebratio nativitatis Salvatoris pro laetissimo habetur evento, dissimilis processionibus dramaticis Hebdomadae Sanctae quae martyrium et mortem eius praenuntiant ( chronicattt.php?id=1324 ). Historia de fuga Sacrae Familiae in Aegyptum paulo tristior est, sed non satis ut atmosphaeram generalem obscuret:

Puer nascitur, et dona et res calidae afferuntur ut eum calefaciant, nam "frigus Ianuarii advenit". Pulchra interpretatio carminis "El Rey de los Cielos" a Marta Quintero:

Et hoc video, magis propter atmosphaeram festivam quam qualitatem musicalem, ab hoc laeto grege cantorum ex urbe Jaen: 

Denique, ad finiendum:

Scripsit Albinus Flaccus

---