Hesterno die Pontifex Leo XIV praebuit primam encycliclicam c.t.e. “Magnifica Humanitas” de custodia hominum tempore Intelligentiae Artificialis quo necesse est novam aetatem humanam creare, cum orbis vexatur bellis et inaequalitate. Timor est ne commutatio digitalis dominium potentiorum et inopiam gentium augeat pro iure et fraternitate. *** *** Post unum mensem indutiae inter Persiam et Civitates Unitas labare videntur, cum hesterno die proelium navale factum sit in freto Hormuziano. Contra custodias maritimas Persarum naves onerariae ductae sunt ad transitum: qua re concursus exortus est et sex naves Persiae dissultae. *** *** Condiciones pacis in Pakistania inter Persiam et Civitates Unitas non convenerunt. Praeses Trump nuntiavit custodias maritimas in freto Hormuz. Sua vice Iranici declaraverunt fretum hostibus insidias fore. Interpretes Pakistani hortantur ne petitiones resumantur. *** *** Ut videtur, respondens praesidi Donaldo Trump, auctoritas Persiae consilium pacis proponit: agendum esse de indutiis quadraginta quinque dierum et de freto Hormuz rursus aperiendo. *** *** A.d. VIII Idus Februarias in urbe Mediolano initium sollemne factum est Ludis Olympiis Hibernis Mediolani et Cortinae Ampecanorum. Certamina efficientur etiam in aliis septem locis montanis et finem habebunt a.d. IX Kal.Martias. *** *** Exeunte mense Ianuario ob ingentes imbres labes terrae in oppido Siciliae Nixeno coegit habitantes usque ad CL metria a vacuo ut celerrime domos relinqueret. Hodie vigiles siphonarii in domicilia comitati sunt cives qui res carissimas repararent. Bibliotheca ruinae suspensa calamitatis symbolus facta est nec casus omnino cessat.