☰ 
Jovis die 16 mensis Maii 2024
POESIS
De die doloris
Secum horas tempus trahit,
momenta aufert,
muscus lapides obruit,
parvula flamma pulsat
tamen in lapidibus,
tenebras collustrans.
Flos, olim colorum
et odorum volumen,
nunc vestigium
e natura evulsus,
stat, ut memoriam retineat,
frigidum impediat.
Dies dolorem fert et tristitiam;
e temporum cursu eripi videtur, defixus.
In magna afflictione unica subridet
defuncti imago, superstibus donum.
Tempus inter ramos siccos se abdit
praeteritum in terra nuda et humida.
scripsit
Johannes Teresi
