☰
Lunae die 29 mensis Aprilis 2024
POESIS
Aperiuntur sepulcra, taetra silentia …
Enumerari non possunt dies
nec saecula,
eadem memoria
vertitur in arenae tritica.
Translucet recordatio
per tenuissimas figuras
in lapidibus calcariis,
per allegorias, verba
fixa versibus tortis.
Ossa posita
quiescunt adhuc
defensa scutis marmoreis.
Signa factorum praeteritorum,
illic fixa ...
etiam orta e melo picta
purpureis
suavibus fructibus.
Undae corrodunt rupes
dissolvunt in sale
Praeteriti miculas.
Saxa loquuntur,
dicunt motum
manuum peritorum,
mentem remotae memoriae;
quasi scalpra animi.
Fluxus cessat clepsydrae
cum inveniatur antrum,
sedes artis cogitationisque.
scripsit
Johannes Teresi